@@@Anniversary@@@

ချစ်သူ မှေးစက်
သူ့ အိပ်မက်မှာ
တစ်ရက် မခြား
စမ်းတဝါးဝါးဖြင့်
မှန်းစ တောနင်း ရှာဖွေဖူးတယ်....

ချစ်သူ့ message
အနမ်း ဝေ့လို့
လှမ်းတွေ့ လျှင်ဖြင့်
မျက်နှာသစ်၍
တစ်နေ့တာ အစ
တဒင်္ဂ မက
တမ်းတမ်းတတ ဖြတ်ကျော်ဖူးတယ်.....

+++++++++++++++++++++++++

တစ်ယောက်နဲ့ တစ်ယောက်
ဝေးကွာ နေပေမယ့်
အတွေး ကိုယ်စီမှာတော့
အချိန်ရယ် ပြေးကာနေတာပဲလို့
တူစုံမယ့်နေ့ကို မျှော်
တစ်မိုးအောက်မှာ တူတူပျော်ခဲ့ဖူးတယ်......

အတ္တကို အလေးခိုး
အချစ်သို့ တိုးလာခဲ့တာ
ဒီနေ့ထိ တိုင်
ရန်ဆိုတာ နတ္တိ
မောင့်အချစ်က
ပကတိ ထက်ကို
တောက်မီးခဲ တရဲရဲပါပဲ.......

အလင်္ကာ မဟုတ်တဲ့
ကဗျာ တစ်ပုဒ်နဲ့
အတိဿယ ဝုတ္တိ အလျင်းမရှိပဲ
တမ်းချင်း မတတ်ပေလို့
သမုဒယ လွမ်းချင်း အစစ်ကို
ချစ်သူမေအတွက် လွမ်းရင်း ရေးလိုက်တယ်နော်....... :-) miss ya

***မင်းနေ***
08.03.13(02း01AM)

+++သူတို့ဘဝ တင့်တယ်လှ+++

ပေးထားရတာ အသက်
နေရတာက စုတ်ပျက်
စားရတော့ အပဲ့ ကုလားပဲ
ရတော့ အမဲ့ မျက်နှာမွဲ
အပေါစား စည်းရုံးရေးနဲ့
အပျော်အပါးလေး ဖက်လို့
ဒေါ်လာလေးစားပြီး သူတို့လဲ နေချင်ရှာမှာပေါ့~~~~

***မင်းနေ***
30.01.13(12း45PM)

+++နူးညံ့ ရိုးစင်းသော ကာရံ+++

ဒါကဗျာ မဟုတ်တဲ့ ချစ်ခြင်း ပုံရိပ်လွှာတဲ့
ရယ်သံပါးပါးလေးနဲ့ နှုတ်ခမ်းလွှာ တစ်စုံက
ပန်ချီကား လှလှလေးတစ်ခုလို ခြယ်သလို့.........

ပါးပြင်ထက်မှ သနပ်ခါးများ
လေအဝှေ့ တစ်ချက်မှာ ငြိမ့်ညောင်းလို့သာယာ
ဖြည်းညှင်း သယ်ဆောင်ခြင်းရဲ့ စွမ်းပကား
သင်းရနံ့ ဖြူလွှလွှလေးက
ချစ်သူရဲ့ နွေးထွေးမှုကို သရုပ်ပြနေသယောင်........

ကိုကို....ခေါ်သံမှာ
ချစ်ခြင်း အနှစ်ရောင် သန်းနေတော့
တစ်ခါတစ်ရံ စိတ်ရိုင်းနဲ့လူ
ဖရိုဖရဲနဲ့ ဖျက်ဖျက်လူးသလို ခံစားလို့နေ........

လေပြေ ဖြူးဖြူး တိုက်ခတ်မြူးတဲ့ ညအလယ်
တစ်ယောက်တည်း အတွေးနယ်ချဲ့လို့
ဖမ်းမရအောင် လွတ်ထွက်တတ်တဲ့ အာရုံတစ်ချို့ဟာ
ချစ်သူကို လွမ်းနေခြင်းတွေပေါ့.........

မရိုးနိုင်ဆုံး အလွမ်းသံစဉ်တွေက
အလှမ်းသင့်ရင် ချစ်ခရီးလမ်းအတွက်
ကြင်နာ ပန်းခင်းဖြစ်ဖို့လေ..........

သံယောဇဉ် နှောင်ကြိုးတွေ
ဆထပ်၊ရစ်ကာ တိုးတဲ့ အချိန်ဆို
ဖြစ်ပျက်တာတွေ ခနမေ့လို့
အသက်ရှူကြပ် လာတဲ့အခါ
သက်ဆက်ဖို့ ချစ်သူရဲ့
နမ်းချက် တစ်ပွင့် ရိုကျိုးတောင်းတနေမိတယ်~~~~~~~~

***မင်းနေ***
27.12.12(06:11PM)

+++ခဏလူ+++

ငါတို့ နှစ်ဦး
မခွဲကြည်နူး ရည်စူးခဲ့တဲ့
ပန်းတိုင်တစ်ခု ရှိခဲ့ဘူးတယ်........

ငါတို့
ရင်ခုန်သံတွေ ရစ်ပတ်
အကြင်နာ လက်လျှက်ပြီး
လေညှင်း တိုက်ခတ်တဲ့
ညနေခင်းလေးမှာလည်း
အတူတူ လမ်းလျှောက်ခဲ့ဘူးတယ်.......

ခုတော့ ငါတို့
ရွတ်ခဲ့ သစ္စာ
ထားခဲ့ ကတိစကား
တရိပ်ရိပ် ဝေဝါးလို့
အချိန်တစ်ခုအတွင်း အချစ်တွေ
တဖြည်းဖြည်းနဲ့ နေဝင် လုလုပါပဲ.........

ငါ့ရဲ့ နှလုံးတစ်စုံလည်း
အသံတွေ စုံလို့
အမှန်တွေ မယုံရဲလောက်အောင်
မုန်တိုင်းရဲ့ ကြား
အသည်း ခါးစွာ
လှိုင်းပုတ်မှုဒဏ် ခံနေရပြီ.......

အမှန်တော့
ငါဆိုတဲ့ ကောင်က
မင်းရဲ့ တစ်ခါသုံးတစ်သျှူးလို
အလှ အပြုံးတွေနဲ့
အခါခါ ရှုံးခဲတာတောင်
စက္ခုမဲ့ သံယောဇဉ်က
အလိုက် မသိ
အရှိုက် ထိရင်း
အငိုက် မိလို့ ကောင်းနေတုန်း........

တကယ်ဆို ငါဟာ
မင်းဆီက ဘာမှမယူရက်တဲ့
ခဏလူ သက်သက်ပါပဲကွာ~~~~~~~~~~

***မင်းနေ***
21.12.12(11.35PM)
မှတ်ချက်။ ။ ခံစားချက်တွေ မြုပ်လိုက်ပုံများ ရေးစရာမရှိလို့ ခုရက်ပိုင်း အရမ်းကြိုက်နေတဲ့ ကောင်းကောင်းဆိုထားတဲ့"ခဏလူ"သီးချင်းလေးအား ခံစားသီကုံးမိသည်။

@@@မြန်မာသူငယ်ချင်းများနေ့@@@

အတ္တမာန၊ စဉ်လာ ဖယ်ခွာ
ဘာသာလူမျိုး ကွဲစေကာမူ
ဖြူစင်နှလုံးသား၊ စိတ်တူဝါသနာနဲ့
သံယောဇဉ် ကြိုးကျစ်၊
အချိုးအဆစ် မညီခဲ့ရင်
ငါ့ကျော တံတား၊ ခင်းစေသူကို
သဟာယ ဟု
ရင်ဖြင့် ရေးဖွဲ့
ဒီနေ့ရက်မှာ သီကျူးမိ၏~~~~~~
မှတ်ချက်။  ။ သဟာယ=သူငယ်ချင်း

သူငယ်ချင်းများနေ့မှာ ရေးခဲ့တဲ့ ကဗျာတိုလေးပါ
***မင်းနေ***
14.12.12(12:15AM)

+++လှိုင်းထန်တဲ့ င့ါဘဝ+++

ဘဝက နုံချာ
တစ်ခါတစ်ရံ ကြုံလာတဲ့ လှိုင်းတွေက
မုန်တိုင်းနီးပါး ခါးသက်သက်ပါလား.....
ပညာက နုနယ်နယ်
လှိုင်းတံပိုးတွေ ရိုက်ပါများတော့
ကမ်းခြေကကွေးကောက်လို့ မညီညာ
ငါ ခြေရာပျောက်လုပြီ....
သာယာခြင်းမရှိတဲ့ ဘဝတိုက်ပွဲမှာ
သူသေကိုယ်သေ စစ်ခင်းမှုတွေလဲ
ရှိရမှာပေါ့....
ရယ်မောသံတွေက ငါ့ကိုလှောင်ပြောင်
ငိုသံတွေက နှစ်သိမ့်လို့
ဆီခမ်းတော့မယ့်မီးစာ
ရှိတဲ့အင်အားနဲ့ အမှောင်ကိုတော့ အလင်းပေးနိုင်သေးတယ်....
"စဉ်ဆက်မပျက် ပညာသင်ကြားနေရသောလူ့ဘောင်"ဆိုတော့လဲ
လူထဲကလူမို့ ပညာက သင်ရှာဆဲ
ကြင်ယာဆိုတာ ဝေဝါးမှုန်ဝါးပေါ့.....
သူတို့ပြောတဲ့ ချစ်ခန်း၊လွမ်းခန်း ကြည်နူးခန်းက
ငါ့ကျမှကွက်လပ်ဖြစ် အခွင့်က မသာ....
ခေါင်းတွေပဲဖြစ်နေတဲ့ဘဝမှာ
သိမ်ငယ်စိတ်လေးဖြစ်ပေမယ့်
ပန်းကျမယ့်အချိန်ကိုတော့ မဆိုးမရွှံ့တောင်းတမိရဲ့...
ဘဝလှိုင်းကြား ပေါ်တစ်ခါ မြုပ်တလှည့်
မမြင်တဲ့လမ်း မျှော်ကာမှန်းလို့
ကြမ်းတမ်းနေပါစေ နက်ဖြန်တိုင်းမှာ
ကူးရဦးမည် ဤခရီး............
                                                      သူငယ်ချင်းများကို လေးစားခင်မင်လျှက်
                                                      ***ကိုနေ***

+++ကဝေပျိုထက်ဆိုးတဲ့ ကညှာပျို+++

ပြုစားရာမှာ သူတစ်ပါးထက်သာပြီး
စကားအရာ ပျားသကာလိုချိုတဲ့
ဟောဒီက ချောကညှာပျိုရယ်.....

ရှေ့နောက်မညီတဲ့ စကားတွေနဲ့
အရူးတစ်ယောက်လို
မူးနောက်အောင် ထပ်မလုပ်ပါနဲ့တော့....

ငါဟာ ကစားစရာ အရုပ်မဟုတ်
တခြားနဲ့ ရှုပ်ပြီး
နင်ခေါက်ထားချင် သပါ့ဆို
လျှောက် သွားလိုက်ပါတော့.....

ငါ နင့်ရဲ့အငိုက်မိ
အရှိုက်ထိအောင် နာကျင်လည်း
အချစ်ကို Practice ဖြစ်ဖို့အတွက်
နင့်လို ထပ်မမိုက်မိအောင်တော့
ငါ့ကိုငါ သင်ခန်းစာယူရမယ်လေ.....

မချစ်တတ်တာ မဟုတ်ဘူး
အချစ်ငတ် ယုံစားခဲ့မိလို့
အကွဲကွဲအကြေကြေ
သေမလောက် ခံစားနေရချိန်မှာ
အဖော် တခြားနဲ့ ပျော်ပါးလို့
နင်ကတော့ တစ်ဟားဟားနဲ့ပေါ့.....

မာယာတွေနဲ့ အခါခါသေအောင်
အတွင်းကြေ ဒဏ်ရာမှာ
အကင်းသေ အနာကျက်ပြီမို့
အပျင်းပြေ လာမဆွပါနဲ့တော့နော်.....

ရှေ့ဆက်မဲ့ ခရီးမှာ
မီးလောက်ပူပြီး ထီးပျောက်နေပါစေ
စည်းဖောက်သူတော့ အဖြစ်မခံနိုင်သူမို့
အမိုးမရှိလည်း ဆုံးထိအောင်
တစ်ယောက်တည်း ဆက်လျှောက်ရမှာပေါ့
ကညှာပျိုရယ်~~~~~~
                                                  သူငယ်ချင်းများကို လေးစားခင်မင်လျှက်
                                                                    ***ကိုနေ***

ချစ်တဲ့သူသိစေချင်(အွန်လိုင်းအချစ်)

ချစ်တဲ့သူသိစေချင်

ရင်နှင့်မမျှချစ်ခဲ့ရ ပြောပြသော်လည်း

ရှောင်ကာလွဲလို့ မသိချင်ယောင်

ဆောင်နေရော့လား ချစ်တဲ့သူ....

စကားအစ ပြန်ကာကောက်ခါ

ထပ်မံတစ်ခါ ပြောပြန်ရလည်း

သူ့အလိမ္မာ သူ့စကားနဲ့

ရှောက်ကာပတ်ပြေး ချစ်တဲ့သူ....