ကျနော် ဒီနေ့စာအုပ်တစ်အုပ်ဖတ်မိပါတယ်... ဆရာနန္ဒာသိန်းဇံရဲ့ နောင်တကင်းရာသို့ စာအုပ်လေးပါ.. အဲ့ဒီထဲက နောင်မှတတဲ့ နောင်တဆိုတဲ့ အပိုဒ်လေး ကြိုက်လို့ သူငယ်ချင်းတွေ အတွက် မှတ်သားလို့ရအောင် တင်ပေးလိုက်ပါတယ်။ ခုပြောမယ့် ဆယ်ပါးသော အကြောင်းအရာ၊ လုပ်ငန်းကိစ္စတို့ကို ရှေးအခါက မပြုလုပ် မဆောင်ရွက်ခဲ့မိသောသူသည် နောင်အခါ၌ စိုးရိမ်ပူပန်ရ တတ်သည်လို့ ဆရာကြီးက ပြောထားပါတယ်.... အောက်မှာကြည့်ရအောင်နော်
(၁)ရသင့်ရထိုက်သော ဥစ္စာပစ္စည်းကို မရသည်ရှိသော် စိုးရိမ်ပူပန်ရ၏။ငါသည် ငယ်ရွယ်စဉ်အခါကပစ္စည်းဥစ္စာကို မဆည်းပူး၊မစုဆောင်းခဲ့မိဟု အိုမင်းသောအခါ စိုးရိမ်ပူပန်ရ၏။
(၂)အတတ်ပညာမရှိသူအား အသက်မွေးရခြင်းသည် ဆင်းရဲငြိုငြင်လှ၏။ ငါသည် ငယ်ရွယ်စဉ်အခါ၌ အတတ်ပညာကို မသင်ကြားခဲ့မိဟု အိုမင်းသောအခါ စိုးရိမ်ပူပန်ရ၏။
(၃)ငါသည် ငယ်ရွယ်စဉ်အခါ၌ ကောက်ကျစ်စဉ်းလဲသော အမှုကို ပြုမိခဲ့၏။ သူတစ်ပါး၏ကျောကုန်းသားကို စားသကဲ့သို့ ချောပစ်ကုန်းတိုက်သော စကားကိုဆိုခဲ့မိ၏။ ကြမ်းကြုတ်သောစကားကိုဆိုခဲ့မိ၏ဟု အိုမင်းသောအခါ စိုးရိမ်ပူပန်ရ၏။
(၄)ငါသည် ငယ်ရွယ်စဉ်အခါ သူ့အသက်ကို သတ်မိ၏။ ရက်စက်ကြမ်းကြုတ်ခဲ့
၏။ ယုတ်မာခဲ့၏။ သတ္တဝါတို့အပေါ် သနားကြင်နာခြင်းကို မပြုခဲ့မိဟု အိုမင်းသောအခါ စိုးရိမ်ပူပန်ရ၏။
(၅)ငါသည် ငယ်ရွယ်အခါ သူတစ်ပါးတို့ မသိမ်းဆည်းအပ်သောမိန်းမများရှိပါလျက် သူတစ်ပါးမယားကို မှီဝဲကျူးလွန်မိ၏ဟု အိုမင်းသောအခါ စိုးရိမ်ပူပန်ရ၏။
(၆)ငါသည် ငယ်ရွယ်စဉ်အခါ ထမင်းအဖျော်ဥစ္စာစီးပွားရှိပါလျက် အလှူဒါနကို မလှူဒါန်းမိခဲ့ဟု အိုမင်းသောအခါ စိုးရိမ်ပူပန်ရ၏။
(၇)ငါသည် ငယ်ရွယ်စဉ်အခါက ဥစ္စာအား၊ကိုယ်အားဖြင့် စွမ်းနိုင်ပါလျက်အိုးမင်းသော အမိအဖတို့ကို မကျွေးမွေးမိခဲ့၊မပြုစုမိခဲ့ဟု အိုမင်းသောအခါ စိုးရိမ်ပူပန်ရ၏။
(၈)လက်ဦးဆရာဖြစ်၍ ဆုံးမပဲ့ပြင်လျက် အလုံးစုံသောအရာတို့ကို ငါ့အားပေး၍ ကျွေးမွေးပြုစုသော အဖကို ငါသည် မထေမဲ့ပြင်ပြုခဲ့မိ၏ဟု နောင်အခါ စိုးရိမ်ပူပန်ရ၏။
(၉)သီလရှိ၍ ဗဟုသုတများသော ရဟန်း၊သူတော်သူမြတ်တို့ကို ငါသည် ရှေးအခါက မဆည်းကပ်မိခဲ့ဟု နောင်အခါ စိုးရိမ်ပူပန်ရ၏။
(၁၀)ငါသည် ရှေးအခါက ငြိမ်သက်သော၊ဆည်းကပ်အပ်သော ခြိုးခြံသော အကျင့်မျိုးကို မကျင့်မိခဲ့ဟု နောင်အခါ စိုးရိမ်ပူပန်ရ၏။ ဤဆယ်ပါးသော အကြောင်းအရာလုပ်ငန်း ကိစ္စ တို့ကို ပြုလုပ်ခဲ့မိသောသူသည် နောင်အခါ စိုးရိမ်ပူပန်ခြင်း နောင်တ မရှိနိုင်...လို့ ဆရာကြီးက ဆိုထားပါတယ်။
တစ်ခါက ကမ္ဘာကျော်စစ်သေနာပတိ နပိုလျံဟာ ဝယ်လင်တန်ကို တိုက်ဖို့ ဝါတာလူးစစ်ပွဲကို ရောက်တော့ နေဝင်တော့မည့်အချိန်ဖြစ်နေတယ်။ နပိုလျံဟာ နောက်ကျသွားတယ်။ ဒီအခါမှာ နပိုလျံဟာ စစ်မြေပြင်မှာ ရပ်ပြီး နေလုံးကြီးဆီ လှမ်းကြည့်ပြီးတော့ "ဒီနေ့အတွက် 2နာရီလောက် သင့်ကို ငါတားလို့ရမယ်ဆိုရင် လောကမှာ ဘာမဆို ငါပေးနိုင်ပါရဲ့" လို့ ညည်းတွားတယ်တဲ့၊အဲ့ဒီစစ်ပွဲဟာ နပိုလျံရဲ့ ဘုန်းမီးကို အပြီးတိုင်ငြိမ်းစေတဲ့ စစ်ပွဲဖြစ်တယ်တဲ့။ အဲ့ဒီနပိုလျံလိုနောက်ကျမှ နောင်တရသူတွေလောကမှာ မရေမတွက်နိုင် ရှိမှာပါပဲ။ အချိန်နဲ့ပက်သတ်ပြီး ရတဲ့နောင်တကို ဆရာကြီးပီမိုးနင်းက ခုလိုရေးခဲ့ဖူးပါတယ်။"အချိန်"ဆိုတာဟာ အဖိုးမဖြတ်နိုင်တဲ့ အရင်းအနှီးဖြစ်တယ်။အဲ့ဒီ အချိန်ဆိုတဲ့အရင်းအနှီးနဲ့ "ကျန်းမာခြင်း"ဆိုတဲ့အရင်းအနှီးကို ရတဲ့လူတိုင်းမှာ ငွေအရင်းအနှီး၊ ပညာအရင်းအနှီးရဖို့ မခက်ဘူးလို့ ဆရာကြီးက အလေးထားပြောခဲ့ဖူးပါတယ်။ ဒါကြောင့် ကျနော်တို့လဲ အချိန်နဲ့ ကျန်းမာခြင်းကိုပိုင်ဆိုင်တဲ့ခုလို အချိန်လေးမှာ နောင်တ နည်းအောင် အကျိုးရှိရှိ အသုံးချသွားရအောင်လား ဗျာ~~~~~~~~~~
သူငယ်ချင်းများကို လေးစားခင်မင်လျှက်
***ကိုနေ***